Dy të vdekur dhe dhjetëra të lënduar në një aksident trafiku në Bavari të Gjermanisë

Dy persona humbën jetën dhe dhjetëra tjerë u lënduan në aksident të rëndë trafiku, që ndodhi si pasojë e përplasjes së njëpasnjëshme të veturave në Bavari të Gjermanisë.

Ekipet e shpëtimit dhe helikopterë të shumtë u shfaqën në autostradë ku ndodhi aksidenti, duke mbyllur përkohësisht qarkullimin derisa policia të kryejë hetimet dhe të ndihmojë të lënduarit.

Dy persona humbën jetën dhe dhjetëra tjerë u lënduan në një seri përplasjesh në autostradën A3, në jug të shtetit gjerman të Bavarisë, transmeton Telegrafi.

Autoritetet e atjeshme thonë se rreth 40 vetura janë përfshirë direkt në aksidentin zinxhiror, që ndodhi në orën 4:00 të mëngjesit si pasojë e reshjeve të mëdha të shiut në afërsi të qytetit Wurzburg.

Autoritetet thonë se ngjarja është rezultat i tre përplasjeve të ndara, që përfundimisht çuan në mbylljen e autostradës A3 në drejtim të Nurembergut.

Zëdhënësi i policisë tha se disa vetura u përfshin fillimisht në aksident, ku më pas vetura tjera u përplasën në mënyrë zinxhirore. 

ë Großeinsatz auf der A 3 bei #Helmstadt: Rettungskräfte sind nach schwerem Verkehrsunfall mit 40 beteiligten Fahrzeugen im Einsatz. Vier Schwerverletzte, drei Mittelschwer- und 24 Leichtverletzte. 2 Personen verstarben tragischerweise. Rund 30 Unverletzte werden betreut. pic.twitter.com/LlMV1CwQUZ

— Bay. Rotes Kreuz (@brkaktuell) March 24, 2024