Arrestohet personi që shtiu me armë nga vetura te Zona Industriale në Prishtinë

Një person është arrestuar, pasi dyshohet se ka shtënë me armë zjarri nga një veturë në Zonën Industriale në Prishtinë.

Rasti ka ndodhur më 12 gusht, rreth orës 03:50.

Sipas Policisë, i dyshuari, shtetas kosovar, është arrestuar pas dyshimeve se kishte përdorur armë zjarri nga vetura.

Gjatë rastit, Policia ka sekuestruar një pistoletë me shtatë fishekë.

Me vendim të prokurorit, i dyshuari është dërguar në mbajtje, ndërsa rasti po hetohet nga organet kompetente. /Zëri