Lamine Yamal e merr fanellën me numër 10 te Spanja, do ta bartë ndaj Anglisë

Lamine Yamal do të luajë me fanellën me numër 10 në ndeshjen e sontme të Spanjës kundër Anglisë, në kuadër të Ligës së Kombeve.

Ylli i Barcelonës do ta marrë këtë numër në mungesë të Dani Olmos, i cili nuk është i gatshëm për këtë takim.

Kështu, 19-vjeçari do ta bartë të njëjtin numër që ka edhe te Barcelona, duke lënë fanellën me numër 19, të cilën e kishte përdorur deri më tani në përfaqësuesen spanjolle.

Kjo nuk është hera e parë që Yamal luan me numrin 10 te Spanja.

Ai e kishte bartur edhe në tetor të vitit 2024, në ndeshjen kundër Danimarkës, po ashtu në mungesë të Olmos.

Përballja Spanjë – Angli zhvillohet sonte në orën 20:45, ndërsa përzgjedhësi Luis de la Fuente tashmë ka përcaktuar edhe futbollistët që nuk do të jenë në listën e ndeshjes. /Zëri